اسلام آباد۔10مئی (اے پی پی) وفاقی وزیر برائے منصوبہ بندی ت??قی تے خصوصی اصلاحات احسن اقبال آکھیا جو اعلیٰ تعلیم دا فروغ اتے جامعات کوں جدید رجحانات تے سہولتاں ݙیوݨ وژن 2025 دا حصہ اے۔ قوماں اپݨی غلطیاں توں نہ سکھسن تاں دنیا دی کوئی طاقت ایں ملک دا مستقبل نی سنوار سڳدی، پاکستان 75 سالیں توں عدم استحکام پاروں اوکھ اچ رہیے۔ اے ڳالھیں انہاں بدھ کوں نیشنل یونیورسٹی آف ماڈرن لینگویجز دے ریسرچ اینڈ سٹریٹجک بلاک دے افتتاح دے موقع تے آکھی۔ انہاں مختلف لیبارٹریاں اچ کم کرݨ آلی طالبات تے طلبہ کوں انہاں دے مستقبل دے لائحہ عمل، تعلیم اتے تحقیق دے شعبے اچ جدت اتے ٹیکنالوجی ??ے فروغ تے فیکلٹی اتے محققین نال ڳالھ مہاڑ کیتی۔ وفاقی وزیر آکھیا جویونیورسٹی انتظامیہ اتے محققین کوں طلبہ تے طالبات دی صلاحیتوں توں فائدہ چاوݨا چاہیدے۔ سٹریٹجک بلاک دی افتتاحی تقریب توں خطاب کریندیں ہوئیں وفاقی وزیر منصوبہ بندی آکھیا جو ملک اچ اعلیٰ تعلیم دا فروغ اتے جامعات کو?? نویں اسلوب اتے جدید رجحانات تے سہولتاں آراستہ رکݨ وژن 2025 دا حصہ اے، اساں 2013 توں 2018 وچال ملک اچ اڄوکی یونیورسٹیاں دی صلاحیت اتے استعداد کار ودھاوݨ دے نال نال پسماندہ اتے دور د??از علاقیاں اچ اعلیٰ تعلیم کیتے اداریاں اتے فروغ تے توجہ ݙتی۔ اساکوں اپݨے نینگراں کوں اعلیٰ جدید تعلیم ݙیوݨ دے نال نال ہنرمندی کوں وی فروغ ݙیوݨے۔ وفاقی وزیر آکھیا جو 2018 اچ رجیم چینج تھئی اتے ویژن 2025 تے عملدرآمد روک ݙتا ڳیا ، یونیورسٹی آف نارووال فیز ٹو سمیت تعلیم، کھیݙ اتے ٻے اہم شعبیاں دے کئی منصوبے جیڑھے 2018 توں پہلے منظور کیتے ڳے ہن انہاں کوں روک ݙتا ڳے۔ وفاقی وزیر برآمدات دی اہمیت اتے ملکی ت??قی تے ڳالھ کریندیں ہوئیں آکھیا جو پاکستان دا ساریاں توں وݙا چیلنج برآمدات اچ ودھارا کرݨ اے، اساں ماضی اچ برآمدات ودھاوݨ اچ ناکام رہیے۔ مختلف زباناں اچ ماہر ہووݨ ایکسپرٹ دی کامیابی ہوسی۔ ، عربی ، چ??نی زبان ، جرمن اتے فرنچ زباناں کوں متعارف کراوݨ کیتے فیڈرل ڈائریکٹوریٹ نمل نال ٻہہ تے لائحہ عمل ٻݨاوے اتے سارے تعلیمی اداریاں اچ مختلف زباناں کیتے باقاعدہ ٹریننگ ݙتی ونڄے، میں یقین ݙوینداں جو انہاں منصوبیاں کیتے پی ایس ڈی پی توں فنڈنگ ݙیوݨ اساݙا کم اے۔
