اسلام آباد۔17نومبر (اے پی پی):دفتر خارجہ اسرائیل کوں تسلیم کرݨ کیتے پاکستان تے دباؤ متعلق میڈیا رپورٹس کوں مس??رد کریندے ہوئیں اینکوں کوڑی تے بے بنیاد قرارݙتے ۔گزریل ݙٰینھ کجھ میڈیا رپورٹس اچ دعوی کیتا ڳیا ہئی جو وزیر اعظم آکھیے جو پاکستان تے اسرائیل کوں تسلیم کرݨ کیتے امریکی دباؤ دا سامݨاں ھے ۔ترجمان دفتر خارجہ محمد حفیظ چوہد??ی منگل کوں ایں سلسلے وچ ہک سوال دا جواب ݙٰیندے ہوئیں انہاں رپورٹس کوں کوڑا تے بے بنیاد قرار ݙیندے ہوئیں مس??رد کرݙتے اتے آکھیے جو وزیر اعظم پاکستان دےموقف کوں ݙو ٹوک الفاظ اچ واضح کر چکن جو مس??لہ فلسطین دے منصفانہ حل تے فلسطینی عوام کیتے قابل قبول حل تئیں پاکستان اسرائیل کوں تسلیم نہ کریسی ۔ وزیر اعظم زور ݙتے تے آکھیا ہئی جو ایں سلسلے اچ پاکستان دی پالیسی قائداعظم دے وژن دے مطابق ھے۔ترجمان آکھیے جو وزیر اعظم دے بیانات ایں موضوع تے پاکستان دے موقف دی واضح عکاس ہن ، جیں توں بے بنیاد قیاس آرائیاں کیتے کوئی گنجائش ہی کائنی رہندی ۔ترجمان آکھیے جو منصفانہ ، جامع اتے پائیدار امن کیتے، پاکستان 1967 توں پہلے دیاں سرحداں تے القدس الشریف دے دارالحکومت دے طور تے، اقوام متحدہ، او آئی سی دیاں قرارداداں اتے بین الاقوامی قوانین دے مطابق فلسطین دے ݙوریاستی حل د?? حمایت جاری رکھیسی۔
