اسلام آباد ۔ 03 اکتوبر (اے پی پی) وزیراعلیٰ پنجاب شہباز شریف آکھیا ہے جو اساں ڈینھ رات ہک کرتے ملک کوں اندھارے اچوں کڈھیا ہے ،دیا مر بھاشاڈیم سانگے 100ارب دی رقم ڈتی ،ماضی اچ داسو ڈیم تے دیامر بھاشا ڈیم دے نقلی سنگ بنیاد رکھیے گے ،رینٹل پاور منصوبیں نال ملک کوں ارباں داضیان تھیا ۔لیڈر عوام دے دل اچ رہندے ہن اے عوام دے فیصلے ہن اساں ملک دی خدمت کریسوں تے ملک دے مسلے حل کریسوں ۔قوم دیاں دعاواں نال اساں اگی تے وی سرخروتھی ویسوں ۔ منگل کو ںمسلم لیگ (ن) دے جنرل کونسل دے اجلاس توں خطاب کریندے ہوئیں انہاں پارٹی صدر منتخب تھیونڑ تے نواز شریف کوں مبارخ ڈتی تے آکھیا جو اے تاریخ ساز ڈینھ ہے ۔کل دی گالھ ہے جو عدالت عظمی پاناما توں اقامے دے بنیاد تے نا اہل قرار ڈتا ۔ملک دے آئین تے قانو ن دی طاقت چارے صوبے دی تائید نال مسلم لیگ ن دا ولا صدر چنڑ گھدا گے ۔ 12 اکتوبر 1999ءکوں جڈاں شب خون ماریا گیا اتے ملک پی سی او دے تحت چلدا رہیا ایں ویلھے تاں کہیں آواز نہ چ??تی ۔ہنڑ تاں پاکستان دے منتخب ایواناں قانون بنڑایا ہے ایں سانگے کہیں کوں اعتراض نی ہوونڑاں چاہیدا ۔نواز شریف تریجھی واری وزیراعظم بنڑیے تاں چار سالہ دور اچ دھرنے دے حالات دے باوجود 2013اچ ملک اندھارے اچ بڈیا ہویا ہئی۔بجلی دے ناں تے کرپشن تھی قوم دی دولت لٹی گی ۔اساں ڈینھ رات ہک کرتے ملک کوں اندھارے اچوں کڈھیا نواز شریف حکومت دیامر بھاشا ڈیم سانگے 100ارب ڈتے ،پشاور توں کراچی موٹر وے ،سی پیک منصوبے تے قومی گرڈ سٹیشن اچ 3600توں ودھ میگاواٹ بجلی دی شمولیت کہیں توں لکیے ہوئے منصوبے کائنی ۔انہاں آکھیا جو اج جیرھا مینڈیٹ نواز شریف کوں ڈتا ہے ،2018دے الیکشن اچ میکوں یقین ہے جو ??اکستان دے عوام وی ڈیسن ،لیڈر عوام دے دل اچ رہندے ہن ،اے عوام دے فیصلے ہن ،میں پوری توقع کرینداں جو اساں رل تے ملک دی خدمت کریسوں تے ملک دے مسلے حل کریسوں قوم دیاں دعاواں نال سرخرور تھیسوں
