اسلام آباد۔22اگست (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو ملک دی ترقی نینگراں اُتے اے، نینگراں اساݙے ملک دی تقدیر بدلݨی اے۔ پاکستان دی بنیاداں اچ شہیداں د?? خون شامل اے۔ پاکستان قیامت تئیں قائم رہݨے۔ ہائر ایجوکیشن کمیشن ولوں نیشنل یوتھ کنونشن توں خطاب کریندیں ہوئیں انہاں آکھیا جو اساݙی سٹھ فیصد آبادی 30 سالیں توں ڳھٹ عمر دے نینگراں دی اے۔ ہجرت جدوجہد دا حصہ ہوندی اے۔ اںج ملک کیتے تحریک وی نینگراں شروع کیتی ہئی جئیں اچ نعرہ لاتا ڳئیا ہئی جو، بٹ کر رہے گا ہندوستان اور بن کر رہے گا پاکستان‘‘، اساکوں برصغیر اچ اںج مملکت ٻݨاوݨ دی حقیقت کوں سمجھݨا پوسی۔ وفاقی وزیر آکھیا جو سرحد پار مقبوضہ جموں کشمیر اچ ظلم تھیندا پئے۔ مظالم اتے جبر استبداد دے باوجود کشمیری عوام جدوجہد کریندی پئی اے۔ انہاں آکھیا جو ہجرت مکہ مدینہ اتے بھارت توں پاکستان ہجرے آپݨے اندر سبق رکھیندی اے۔ بھارت توں پاکستان ہجرت ویلھے 12 لکھ لوک سرحد پار کریندیں ہوئیں زندگی دی بازی ہر ڳئے ہن۔ انہاں دی قربانیاں نال اے ملک ٻݨیے۔ 1947 دی ہجرت اچ تریمتیں وی قربانیاں ݙتن۔ انہاں آکھیا جو پاکستان رمضان المبارک دی 27 ویں رات کوں ٻݨٰا ہئی۔ اے ایں ڳالھ دی دلیل اے جو ایں ملک ترقی کرݨی اے اتے قیامت تئیں رہوݨے۔ وفاقی وزیر آکھیا جو پاکستان دی بنیاداں اچ شہیداں د?? خون شامل اے۔ شہیداں دے لہو دی لاج رکھݨ اساݙی ذمہ واری اے۔ انہاں آکھیا جو پنجاب دے پسماندہ علاقے میاں چنوں توں ہک نینگر ارشد ندیم وݨ دی کاٹھی بھ?? تے پہلی جیولین ٻݨائی۔ جݙاں او لاہور آئے تاں انہاں کول جتی کائنا ہئی۔ اوں نینگر 2012ء دے پہلے یوتھ فیسٹیول اچ کھیݙاں اچ حصہ ڳھدا۔ اوں نین??ر آپݨی قسمت آزمائی اتے 2024 اچ پیرس دے سٹیڈیم اچ پاکستان دا پرچم اُچا کیتا۔ وفاقی وزیر آکھیا جو ایں ملک اچ ٻہوں امیداں ہن۔ اساں انہاں امیداں کوں جگاوݨ دی لوڑھ اے۔ پہلی لیپ ٹاپ سکیم شروع کیتی ڳئی تاں تعلیمی اداریاں دے طلبہ کوں میرٹ تے لیپ ٹاپ ݙتے ڳئے۔ انہاں آکھیا جو دانش سکول تے وی تنقید کیتی ڳئی۔ ایلیٹ کلاس سکولاں تے کہیں کوں کوئی اعتراض کائنا ہئی۔ دانش سکول ٻݨاوݨ دا مقصد اے ہئی جو یتیم ٻالاں کوں ساریاں توں پہلے داخلے دا حق ݙتا ونڄے۔ دانش سکول توں تعلیم ڳھنݨ آلی ہک طالبہ کنگ ایڈورڈ میڈیکل یونیورسٹی اچ پڑھدی پئی اے۔ انہاں آکھیا جو پنجاب ایجوکیشن انڈوومنٹ فنڈ شروع کیتی ڳئی۔ ایندے کیتے ہک چھوٹی سیڈ منی رکھی ڳئی جو اساں مستحق طلباء کوں دنیا دی بہترین یونیورسٹیاں اچ ونجݨ دا موقع ملے۔ انہاں آکھیا جو انہاں موقعیاں تے نینگراں د?? حق ہئی۔ اساݙی سٹھ فیصد نین??ر آبادی اے۔ نینگراں دی فلاح کیتے ݙھاکیاں پہلے چھوٹے چھوٹے کم شروع کیتے اتے اڄ اوندے نتیجے ݙٹھے ونڄ سڳدن۔ انہاں آکھیا جو پچھلے چار مہینے اچ آئی ٹی برآمدات اچ ترائے گناہ ودھارا تھیے۔ دنیا اچ آئی ٹی دے اندر تنزلی تھیندی پئی اے جڈانجو پاکستان اچ آئی ٹی دا ش??بہ ترقی کریندا پئے۔ اساݙے نین??ر آئی ٹی ایکسپرٹس اتے نوجوان لیڈرز اڳوں ودھدے پئن۔ عطاءاللہ تارڑ آکھیا جو ایں ملک دی سمت اتے معیشت کوں د??ست کرݨ، آئی ٹی انقلاب برپا کرݨ۔ کھیݙاں اتے معیاری تعلیم کوں ودھاوݨ دی لوڑھ اے۔ وفاقی وزیر آکھیا جو وزیراعظم شہباز شریف ملک دی ترقی کیتے مسلسل کم کریندے پئں۔ انہاں آکھیا جو اساں آئی ٹی، زراعت، تعلیم اتے کھیݙاں دے شعبے اچ ترجیحات سدھی کر ݙتی اتے نینگراں کوں موقع ݙتے ڳئے تاں انشاءاللہ 2030ءتئیں پاکستان جی 20 اچ نظر امسی۔ نینگراں کیتے درست پالیسیاں، سدھے پاسے نال 2030 تئیں اساں جی 20 اچ پڄ سڳدوں۔ ایہو اساݙا سلوگن اے۔ انہاں آکھیا جو 2030ءتئیں جی 20 تئیں پڄمے تاں ایں ملک دی 30 سال توں ڳھٹ عمر 60 فیصد آبادی کوں آپݨا کردار ادا کرݨا پوسی۔ انہاں آکھیا جو ایں ملک کوں ایں مقام تئیں پڄیسوں جیندا خواب قائداعظم محمد علی جناحؒ ݙٹھا ہئی۔ انہاں آکھیا جو سٹھ فیصد نین??ر آبادی ملک کوں اڳوں ٹورݨے۔ ایں ملک دا ونڄیا مقام واپسی ڳھݨے۔ پاکستان دا مستقبل نینگراں دے ہتھ اے۔
