محکمے اتے ادارے غیر قانونی طور تے کم کرݨ آلی سروگیٹ کمپنیاں نال کوئی رابطہ یا وپار نا ورتن، وفاقی حکومت دی چتاوݨی

اسلام آباد۔11نومبر(اے پی پی)وفاقی حکومت ساریاں وزارتاں، محکمیاں اتے اداریاں کوں آکھیے جو او پاکستان اچ بالخصوص پرنٹ، الیکٹرانک اتے سوشل میڈیا تے غیر قانونی طور تے کم کرݨ آلی سروگیٹ کمپنیاں نال کوئی رابطہ، معاہدہ یا وپار نا ورتن۔ وزارت اطلاعات ونشریات مختلف محکمیاں اتے اداریاں کوں لکھیے ڳئے خط اچ آکھیے جو کڄھ سروگیٹ کمپنیاں غیرقانونی طورتے کئی میڈیا آوٹ لیٹس اتے سپورٹس انٹرپرائزز نال سپانسرشپ اتے اشتہارات دے معاہدے کریندے پن، دافا نیوز، ون ایکس بیٹ، ایم سی ڈبلیوسپورٹس، وولف 777 نیوز، بی جے سپورٹس اتے میل بیٹ سٹے اچ ردھیاں ہویاں کمپنیاں ہین۔ ایں سانڳے پی سی بی کوں آکھیا ڳئے جو او پاکستان سپرلیگ (پی ایس ایل) دی فرنچائزز اتے کرکٹ بارے تنظیماں کوں اینڄھے ہر قسم دے معاہدیاں اتے کاروبار توں انڄھ رہݨ دی ہدایت ݙیوے۔

مضمون کا ماخذ : میگا مولا۔

متعلقہ مضامین