صدر مملکت توں آئین شکنی عمران خان کرویندا پئے، اے چاہندن جو صدر، جسٹس وی ٻݨ ونڄے اتے الیکشن کمیشن وی آپ ہووے، وفاقی وزیر اطلاعات و نشریات مریم اورنگزیب

اسلام آباد۔20فروری(اے پی پی)وفاقی وزیر اطلاعات و نشریات مریم اورنگزیب آکھیے جو صدر مملکت توں آئین شکنی عمران خان کرویندا پئے، صدر پاکستان دا دفتر سیاسی دفتر ٻݨیا ہوئے، اے چاہندن جو صدر، جسٹس وی ٻݨ ونڄے اتے الیکشن کمیشن وی آپ ہووے، کیا عمران خان اتنا لاݙلا اے جو اوکوں مہلتاں ملدن اتے گرفتاری نئیں تھیوݨ ݙتی ویندی۔ پارلیمنٹ ہائوس دے ٻاھرو میڈیا نال الیندے انہاں آکھیا جو ضمانت قبل از گرفتاری اچ پیشی کیتے ڈرامہ کیتا ڳعے اتے ڄاݨ ٻڄھ تے ورکر کتھے کیتے ڳن جو عدالت تے دبائو سٹیڄے، ایں ڄݨے اقتدار کیتے ڈپٹی اسپیکر کولو، صدر کولو، وزراء کولو آئین شکنی کروائی اے، اڄ ایندے اڳو انصاف دا نظام ٻے وس اے، جیکر عدالت ہک آئین شکن کوں، غنڈے کوں اے سہولت ݙیندی پئی اے تاں ہر مجرم کوں ایہا سہولت ݙیو جیویں اڄ قانون دا مذاق ٻݨایا ڳئے۔ عوام کوں اکساوݨ، تریمت ڄج کوں ڳالھیں کݙھݨ اتے اپݨی ذات کیتے “چلو چلو لاہور ہائیکورٹ چلو” دا ٹرینڈ چلاوݨ انہاں دی ریت ٻݨ ڳئی اے۔ اے رعایتاں 22 کروڑ عوام اچوں صرف ہک ڄݨے کیتے کیوں ہین؟ نوازشریف کوں وی کلثوم نواز دی بیماری ویلھے اے سہولت نا ملی ہئی، ڄیڑھا عدالت پیش نئیں تھیندا او ایف ائی اے اچ کݙاں پیش تھیسی۔

مضمون کا ماخذ : ڈاگ ہاؤس

متعلقہ مضامین