سانحہ لسبیلہ طرز تے مفتی عبدالشکور دے حادثے تے وی منظم مہم چلائی ویندی پئی اے ،افسوسناک کلچر پروان چڑھایا ویندا پئے، کہیں وی واقعہ تے ایں حد تئیں ڈھݨ دی مذمت کریندوں ،وزیر اطلاعات مریم اورنگزیب
Federal Minister for Information and Broadcasting, Marriyum Aurangzeb addressing a press conference in Islamabad on January 03, 2023.
اسلام آباد۔19اپریل(اے پی پی) وفاقی وزیر اطلاعات و نشریات مریم اورنگزیب آکھیے ھک سیاسی جماعت دی طرفوں سانحہ لسبیلہ طرز تے مفتی عبدالشک??ر دے حادثے تے وی منظم مہم چلائی ویندی پئی اے ،افسوسناک کلچر پروان چڑھایا ویندا پئے، کہیں وی واقعہ تے ایں حد تئیں ڈھݨ دی مذمت کریندوں۔ او ایم این اے آغا رفیع اللہ دے نکتے تے قومی اسمبلی اجلاس اچ ڳالھ کریندیاں پیاں ہن ۔ وزیر اطلاعات مریم اورنگزیب آکھیے میں ترائے ݙینھ پہلے ہفتے دی رات اسلام آباد اچ وفاقی وزیر مذہبی امور مفتی عبدالشک??ر دی گاݙی کوں پیش آوݨ آلے اندوہناک واقعہ دی خود مانیٹرنگ کریندی پئی ہاں ۔ وفاقی وزیر مذہبی امور مفتی عبدالشک??ر دی شہادت تے وفاقی کابینہ اتے ارکان پارلیمنٹ اپݨے اپݨے جذبات دا اظہار کیتے ۔ہر اکھ وچ ہنڄ اے ،پارلیمان توں ھک قرارداد وی پاس تھئی اے جیں اچ عبدالشکور صاحب کوں ہلال امیتازنال نوازیا ڳئے ۔ انہاں آکھیے پچھلے ترائے ݙینھ توں شوشل میڈیا تے ایں سانحے تے سیاست تھیندی پئی اے ، ھک سازش گھڑی ویندی پئی اے ، ہر پاسے توں ??یغ??م آندا پئے اے سانحہ سازش دے نال جڑیا ہئی،وزیراعظم دی ہدایات تے وزیر داخلہ رانا ثنا اللہ خان ایں معاملے تے خصوصی تحقیقاتی کمیٹی کر ݙتی اے، حالی تئیں کوئی ایجھے شواہد نی ملیے جو ایں سانحے اچ کوئی سازش اے ، کہیں وی اندیشے توں پاک کرݨ کیتے وزیراعظم فیکٹ فائنڈنگ کمیٹی بݨاوݨ دی ہدایت ݙتی ایں بارے رپورٹ پارلیمان اچ پیش کیتی ویسی ۔ انہاں آکھیے پی ٹی آئی سوشل میڈیا ایں سانحے تے غلیظ مہم چلائی ویندی پئی اے ، اے اوہے لوک ہن جنہاں لسبیلہ حملے تے وی ایجھی مہم چلائی ہئی ۔ انہاں آکھیے ایں واقعہ دے حوالے نال انشااللہ کل حقائق پارلیمان دے سامݨے رکھیسوں۔
