سابق دور اچ ڈاکخانے اچ بند تھیوݨ آلے اکائونٹس کوں بحال کیتا ویسی ، وفاقی وزیر پارلیمانی امور مرتضی جاوید عباسی

اسلام آباد۔3جون (اے پی پی):وفاقی وزیر پارلیمانی امور مرتضی جاوید عباسی آکھیے جو پاکستان پوسٹ دی کارکردگی بہتر بݨاوݨ کیتے اقدامات کیتے ویندے پئن ، سابق دور اچ ڈاکخانے اچ کھلݨ آلے اکائونٹس بند کر ݙتے ڳئے ہن، انہاں کوں بحال کیتا ویسی ۔ سینیٹ اچ سوالاں دے وقفے ویلھے دنیش کمار، محسن عزیز اتے ٻئے دے سوالاں دے ولدے اچ انہاں آکھیے جو سابق دور اچ مختلف علاقیں اچ ڈاکخانے بند وی کیتے ڳئے ہن ، صرف ڈیجیٹلائزیشن اچ بہتری آئی، ھک سکینڈل وی سامݨے آئے، ایندی وی انکوائری کرائی ویندی پئی اے ، ڈاکخانیں اچ اکائونٹس بند کر تے کمرشل بینکاں اچ کھلوائے ڳئے، ہݨ اساں کوشش کریندے پیوں جو اے اکائونٹس ول ڈاکخانیں اچ بحال کرݙتے ونڄن تاں جو لوکاں کوں سہولت ملے۔

مضمون کا ماخذ : جادوئی اسپن

متعلقہ مضامین