تریمتیں کوں ہکو سویں مواقع اتے حقوق ڈیونڑ وزیراعظم عمران خان دا وژن اے،وفاقی وزیر اطلاعات و نشریات چوہدری فواد حسین داتریمتیں دے جگ ڈیہاڑے تے تقریب نال خطاب
APP26-08
ISLAMABAD: March 08 - Federal Minister for Information and Broadcasting Chaudhry Fawad Hussain addressing PTV employees on the occasion of International Womens Day at PTV Headquarters. APP photo by Irfan Mahmood
اسلام آباد ۔ 08 مارچ (اے پی پی)وفاقی وزیر اطلاعات و نشریات چوہدری فواد حسین آکھیے جو تریمتیں کوں ہکو سویں مواقع اتے حقوق ڈیونڑ وزیراعظم عمران خان دا وژن اے،حکومت تریمتیں کوں بااختیار بنڑاونڑ کیتے کم کریندی پئی اے، تریمتیں کوں ہر سطح تے محفوظ اتے مناسب ماحول ڈتا ویسی۔ اے گالھ وفاقی وزیر اطلاعات و نشریات چوہدری فواد حسین اتریمتیں دے جگ ڈیہاڑے تے پی ٹی وی یونین ولوں ہک تقریب نال خطاب کریندے آکھی۔انہاں آکھیے جو تریمتیں کوں باختیار بنڑاونڑدا تصور مغرب دا نئیں ، حقیقت اے ہے جڈاں مغرب اچ تریمتیں اپنڑے ووت کیتے اٹھدیاں پیاں ہن ساڈے کولوتحریک خلافت اچ ہندوستان دے اندرومحمد علی جوہر دی ماءاتے رعنا لیاقت علی، محترمہ فاطمہ جناح جھیاں لیڈراپنڑا آپ منوا چکیاں ہن، ساڈے سماجی جیونڑ اچ تریمتیں بہوں بااختیار، طاقتور ہین اتے اہم فیصلے وی کریندن،ساڈے دیہاتاں دی تریمت وی بہون اگو تے ہے بھل شہراں اچ ورکنگ وویمن کیتے کجھ اوکھ ہین جیکون مکاونڑ حکومت دی ودھ توجہ اے تاں جو او مختلف شعبیاں اچ چنگاں ہتھ ونڈا سگن۔انہاں آکھیے جو پی ٹی وی اچ تریمتیں دے حقوق دے تحفظ کیتے بہون کم کرنڑ دی لوڑھ اے،پی ٹی وی اچ اپنڑا محکمانہ محتسب ہوونڑا چاہیدے، پی ٹی وی اچ ڈے کیئر سینٹروی بنڑایا ویسی،جے تئیں تریمتیں سیاست اتے قیادت اچ متحرک نہ ہوسن او تئیں مسلے حل نہ تھیسن۔
