اسلام آباد – 18 جنوري (اي پي پي) گڏيل قومن جي جنرل اسيمبلي جي صدر ماريا فرنينڊا اسپنوزا چيو آهي ته انساني وقار، بنيادي انساني حقن جو احترام ۽ ان کي يقيني بڻائڻ گڏيل قومن جي سمورن ميمبر ملڪن جي هڪ جهڙي ذميواري آهي، سمورن ميمبر ملڪن کي يو اين چارٽر جي ٽنهي ٿنڀن سيڪيورٽي، ترقي ۽ انساني حقن جي پاسداري ڪرڻ گهرجي. پرڏيهي وزارت ۾ پرڏيهي وزي شاهه محمود قريشي سان ملاقات کانپوءِ گڏيل پريس ڪانفرنس دوران ڪشمير بابت هڪ سوال جو جواب ڏيندي ماريا فرنينڊا چيو ته انساني وقار، بنيادي انساني حقن جو احترام ۽ ان کي يقيني بڻائڻ گڏيل قومن جي سمورن ميمبر ملڪن جي هڪ جهڙي ذميواري آهي.