اسلام آباد -20 مئي (اي پي پي) پاڪستان ۾ ايران جي سفير رضا اميري مغدم ايراني صدر ۽ پرڏيهي وزير جي هيليڪاپٽر حادثي ۾ فوتگي جي تصديق ڪئي آهي. اسلام آباد ۾ ايراني سفارتخاني مان جاري بيان مطابق ايراني سفير چيو ته انتهائي ڏک سان مون کي اهو اعلان ڪرڻو پئجي رهيو آهي ته صدر سيد ابراهيم رئيسي ۽ پرڏيهي وزير حسين امير عبداللهيان پاڙيسري ملڪ سان ترقياتي منصوبي جو افتتاح ڪرڻ جي مشن دوران هيليڪاپٽر حادثي جي نتيجي ۾ شهادت ماڻي آهي.