پاکستان زراعت، آئی ٹی، کان کنی اتے ہاؤسنگ دے شعبیاں کوں اپ گریڈ کرݨ کیتے چینی سرمایہ کاری چاہندے، احسن اقبال

بیجنگ۔16جولائی (اے پی پی)وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال آکھیا جو خصوصی اقتصادی زونز ( ایس ای زیڈز) چینی سرمایہ کاراں کوں انہاں مراعات توں فائدہ چاوݨ دا موقع ݙیسن جیڑھے پاکستان غیرملکی سرمایہ کاری کیتے پیش امدے۔ انہاں چین دے اڄوکے دورے دے موقع تے اے پی پی نال خصوصی ڳالھ مہاڑ کریندیں ہوئیں آکھیا جو اساں نو خصوصی اقتصادی زونز تے کم کریندےپیوں۔ رشکئی خصوصی اقتصادی زون دا افتتاح ایں مہینے دے چھیکڑ اچ کیتا ویسی۔ اینویں سندھ، پنجاب اتے بلوچستان اچ ٻے اقتصادی زونز وی ترقی دے مرحلے اچ ہن۔ انہاں آکھیا جو پاکستان کوں سستی لیبر فورس دا وݙا فائدہ اے۔ چین اچ ٻہوں صنعتاں لاگت ودھدی ہوئی سطح پاروں پیداواری لاگت دا سامݨا کریندیاں پن اتے ہݨ او ویتنام، کمبوڈیا اتے لاؤس ویندی پن۔ انہاں آکھیا جو پاکستان دا بنیادی ڈھانچہ ٻہوں چنڳا اے ۔ ٻہوں چینی کمپنیاں پاکستان امدیاں پن۔ ٻہوں چینی سرمایہ کاراں گوادر فری زونز اچ سرمایہ کاری کیتی اے۔ احسن اقبال آکھیا جو پاکستان پاݨی کوں سانبھݨ اتے زراعت اچ کارکردگی ڳھن آوݨ کیتے آبپاشی دی نویں ٹیکنالوجیز وی ڳولیندا پے۔ چینی انٹرپرائز دے تحفظ کیتے جیڑھے اقدامات کیتے ڳن ایں بارے انہاں آکھیا جو 10,000 اہلکاراں دی ہک خصوصی فورس ٻݨائی ڳی اے جیڑھی جو پوری سی پیک منصوبیاں دی حفاظت کیتے وقف اے۔ ایں توں انڄ اساں فورس کوں اپݨی پولیس، نیم فوجی دستے اتے مقامی سکیورٹی نال ضم کر ݙتے۔

مضمون کا ماخذ : جیک اور بین اسٹالک

متعلقہ مضامین