پاکستان اتے اٹلی دامشترکہ اقتصادی کونسل دے تریجھے سیشن دا ڈو ڈیہنواری اجلاس

روم ۔31 جنوری (اے پی پی)اٹلی دے شہر روم اچ آئی سی ای ہیڈکوارٹرز اچ پاکستان اتے اٹلی دامشترکہ اقتصادی کونسل دے تریجھے سیشن دا ڈو ڈیہنواری اجلاس تھئے جیندے اچ ڈوہاں ملکاں ادارہ جاتی تعاون، چھوٹے اتے درمیانے وپار کون ودھاونڑ سودھے مختلف شعبیاں اچ ہتھ ونداونڑ تے اتفاق کیتے۔پاکستانی وفد دی قیادت وزیر مملکت برائے خزانہ و اقتصادی امور رانا محمد افضل خان اتے اطالوی وفد دی قیادت اٹلی دی وزارت اقتصادی ترقی دے نائب وزیر ایوان سکیل فروتوکیتی۔اجلاس اچ فریقین اقتصادی و سیاسی صورتحال،تجارت و سرمایہ کاری دی صورتحال اتے ڈو طرفہ تعاون دی موقعیاں دا جائزہ گھدا گیا۔اجلاس اچ آکھیا گئے جو ڈوہاں ملکاں وچال تجارت اچ ودھارا تھئے بھل تجارت و سرمایہ کاری دے شعبیاں اچ تعاون کوں بیا ودھاونڑ دی لوڑھ اتے، ایں سانگے خدمتاں اتے شئیں سودھے ہک بئے دیاں منڈیاں تئیں رسائی کوں یقینی بنڑایا ونجنڑا چاہیدے۔ڈوہاں ملکاں ٹیکسٹائل، فٹ ویئر اتے سٹون دے شعبیاں اچ تعاون کیتے ترائے لیٹرز آف انٹینٹ ، پاکستان سٹون ڈویلپمنٹ کمپنی اتے ایندی اطالوی ہم منصب کمپنی وچال تعاون دی دستاویز تے وی دستخط کیتے گئے۔

مضمون کا ماخذ : loteria do Paraná

متعلقہ مضامین