سمندر پار پاکستانیز اپݨے ملک دے خلاف کور بے نقاب کرݨ اچ کردار ادا کرن، وزیرِ اعظم شہباز شریف دی فرانس اچ پاکستانی برادری نال ملاقات

پیرس۔23جو??(اے پی پی):وزیراعظم محمد شہبازشریف بیرون ملک پاکستانیاں دی وطن دی ترقی کیتے خدمات دی تعریف کریندے آکھیے جو سمندر پار پاکستانیز اپݨے ملک دے خلاف کور بے نقاب کرݨ اچ کردار ادا کرن، 9 مئی کوں ٻھا لاوݨ آلے اپݨے کور نال بیرون ملک ٻھا ٻھرکیندے ودن، اساں ہک سال اچ ملک کون ݙیوالا تھیوݨ توں بچائے، اوکھے فیصلے کر تے اڄ سرخرو ہیں، پاکستان دی معاشی خودمختاری، ترقی اتے مضبوطی ہی پاکستان دا مستق??ل محفوظ ٻݨا سڳدی اے۔ اے ڳالھیں وزیراعظم محمد شہبازشریف فرانس اچ پاکستانی برادری نال ملݨ ویلھے آکھین۔ انہاں آکھیا جو اوورسیز پاکستانی وطن دے سفیر اتے قیمتی ترکہ ہین، حکومت ہک سال دی ݙینھ رات محنت نال خارجہ تعلقات بحال کیتن اتے معیشت کوں ولا رستے تے پاتے، پاکستان دی معاشی بحالی اچ اکنامک ریوائیول پلان سنگ میل ثابت تھیسی۔ ملاقات اچ وفاقی وزیراطلاعات و نشریات مریم اورنگزیب اتے وزیراعظم دے معاون خصوصی طارق فاطمی وی ??وجود ہن۔ اوورسیز پاکستانیاں وزیراعظم کوں گلدستہ وی ??یش کیتے۔