پاکستان بحرِ ہند دے علاقے اچ سمندری تعاون دے ودھارے کیتے پرعزم اے، صدرمملکت دا تریجھے چین -بحرِ ہند علاقائی فورم توں خطاب

اسلام آباد۔16دسمبر (اے پی پی) صدر آصف علی زرداری سمندری وسائل دے تحفظ اتے بلیو اکانومی دے ودھارے کیتے خطے اچ اجتماعی کوششاں تے زور ݙیندیں ہوئیں آکھیا جو پاکستان بحرِ ہند دے علاقے اچ سمندری تعاون دے ودھارے کیتے پرعزم اے۔ سنوار کوں ایوان صدر دے پریس ونگ توں جاری بیان موجب صدرمملکت اے ڳالھیں بلیو اکانومی تعاون تے تریجھے چین -بحرِ ہند علاقائی فورم توں ویڈیو خطاب کریندیں ہوئیں آکھی۔ فورم دا انعقاد چین دی عالمی ترقیاتی تعاون ایجنسی چین دے شہر کُن مِنگ اچ کیتے۔ صدرمملکت آکھیا جو ماحولیاتی تبدیلی ، آلودگی اتے ماحولیاتی نظام دی تنزلی سویں مسئلیاں دا حل کرݨے۔ پاکستان بحری شعبے اچ تعاون ودھاوݨ کیتے سارے سٹیک ہولڈرز نال سانجھ کرݨ چاہندے۔ آصف علی زرداری آکھیا جو دنیا دی وݙی آبادی چین اتے اساݙے کطے دے ٻئے ملکاں اچ رہندی اے۔ انہاں آکھیا جو سمندر توں فیدہ چاوݨ کیتے اجتماعی کوششاں دی لوڑھ اے۔ صدرمملکت ویڈیو سنیھے اچ بحر ہند اچ امن، ترقی اتے پائیداری بارے پاکستان دا عزم کیتا اتے آکھیا جو پاک-چین اقتصادی راہداری دے تحت گوادر پورٹ کوں ترقی ݙتی ویندی پئی اے۔ صدر مملکت پاکستان دی بلیو اکانومی دی ترقی کیتے پاکستان دی کوششاں کوں وی اجاگر کیتا۔ انہاں آکھیا جو پاکستان نیشنل میری ٹائم پالیسی متعارف کرائی اے، پاکستان اچ پائیدار ماہی گیری ، سمندری تحفظ کیتے اقدامات کیتے ڳئن۔ صدر آکھیا جو فورم دے ایجنڈے اچ استعداد کار اچ ودھارا اتے جزائر دی شمولیت خوش آئند اے۔

مضمون کا ماخذ : jogos de raspadinha

متعلقہ مضامین