ملک ڈیفالٹ دے خطرے توں نکل چکے،پاکستان دی معاشی صورتحال بارے غلط معلومات کھنڈا تے بے بنیاد ہیجانی کیفیت پیدا کرݨ دی مزموم کوشش کیتی ویندی پئی اے ، وزیراعظم شہباز شریف دی جیفریز دے وفد نال ملاقات اچ ڳالھ مہاڑ

APP38-291122 ISLAMABAD: November 29 - A delegation of Jefferies called on Prime Minister Muhammad Shehbaz Sharif, Finance Minister Ishaq Dar was also present in the meeting. APP/IQJ/TZD/FHA

اسلام آباد۔29نومبر(اے پی پی):وزیراعظم شہباز شریف آکھیے جو اتحادی حکومت دے اوکھے فیصلیں دی بدولت ملک ڈیفالٹ دے خطرے توں نکل چکے ،پاکستان دی معاشی صورتحال بارے غلط معلومات کھنڈا تے بے بنیاد ہیجانی کیفیت پیدا کرݨ دی مزموم کوشش کیتی ویندی پئی اے ،حکومت ملکی معیشت کوں مستحکم کرݨ کیتے ہر ممکن اقدامات کریندی پئی اے ۔ اے ڳالھ انہاں معروف بین الاقوامی انویسٹمنٹ بینکنگ اینڈ کیپیٹل مارکیٹس فرم جیفریز (Jefferies) دے وفد نال ڳالھ مہاڑ کریندے ہوئیں آکھی جنہاں منڳل کوں انہاں نال ملاقات کیتی۔ ملاقات اچ وفاقی وزیرِ خزانہ اسحاق ڈار وی شریک ہن ۔ وزیراعظم میڈیا آفس موجب وزیراعظم شہباز شریف آکھیے جو اتحادی حکومت سیاسی قیمت دی پرواہ کیتے بغیر ملک کوں گزریل چار سال دی نااہلیاں دا خمیازہ بھوڳݨ توں بچا ڳھدے جݙاں جو مہانگ کوں گھٹ کرݨ تے عام آدمی دے ریلیف کیتے وی ترجیحی بنیاداں تے اقدامات چیندی پئی اے ۔ انہاں آکھیے حکومت ٻاہرلی تجارتی خسارہ گھٹ کرݨ کیتے کوشاں اے ، پاکستان اچ ٻاہرلی سرمایہ کاری دے ودھارے کیتے حکومت سرمایہ کاراں کوں ہر ممکن سہولت ݙیندی پئی اے ۔وزیرِ اعظم جیفریز دے وفد دا خیر مقدم کیتا اتے انہاں کوں پاکستان اچ آپݨا دفتر کھولݨ دی دعوت ݙتی ، ایں موقع تے وفد وزیرِ اعظم دی قیادت اچ ملک کوں پیش آندے معاشی چیلنجز دا مؤثر مقابلہ کرتے ملک دے معاشی استحکام دی سمت گامزن تھیوݨ کوں خوش آئند قرار ݙتا۔

مضمون کا ماخذ : سپر اسپنر

متعلقہ مضامین