اسلام آباد۔26اکتوبر(اے پی پی) نگران وفاقی وزیر توانائی محمد علی آک??یے گیس دیاں قیمتاں اچ اڄوکے ودھارے نال پٹرولیم سیکٹر دا گردشی قرضہ نہ ودھسی تے ہݨ گیس سیکٹر اچ ضیان نہ تھیسی ، کل ھک کروڑ اچوں 57 لکھ گیس کنکشنز دا ٹیرف نی ودھایا ڳیا ،روس دے نال تیل مل گھنݨ دا کمرشل معاہدہ تھی چکیے جیں دے تحت سالانہ 90 لکھ میٹرک ٹن تیل درآمد کریسوں ، امید اے روسی خام تیل مارکیٹ توں10 توں 15 ڈالر فی بیرل سستا پوسی ۔ وفاقی وزیر توانائی نگراں وفاقی وزیر اطلاعات مرتضیٰ سولنگی دے رلے بریفنگ اچ آک??یے جو ای سی سی گیس دیاں قیمتاں اچ ودھارے دی منظوری ݙتی ہݨ اینکوں حتمی منظور?? سانڳے کابینہ اجلاس اچ پیش کیتا ویسی ،گیس سیکٹر اچ گزریل کجھ سالاں اچ گردشی قرضہ 400 ارب روپے ہئی ۔گیس قیمتاں اچ ودھارے نال ساریں توں ودھ غریباں کوں تحفظ ݙتا ڳئے ۔ نگران وزیر توانائی آک??یے پچھلے 10 توں 15??الاں اچ انرجی سیکٹر اچ سرکلر ڈیٹ ہمیشہ ودھدا ہئی ۔ انہاں آک??یے پاور سیکٹر اچ لاسز موجود ہن?? ساݙا اڳلا ہدف پاور سیکٹر اچ لاسز کوں ختم کرݨا اے ۔ وفاقی وزیر آک??یے آئل اتے گیس دی پیداوار پچھلے ݙاہ سال دے مقابلے اچ گھٹ اے تے لاسز اتے گردشی قرضے دی وجہ توں ادائیگیاں نہ تھیندیاں پیاں ہن جیں پاروں ٻہوں ساریاں کمپنیان ملک توں واپس ویندیاں پیاں ہن جیڑھا جو ہݨ نہ ویسن ۔ انہاں آک??یے گیس دیاں قیمتاں اچ ودھارے دا فیدہ ای??سپلوریشن کمپنیاں کوں تھیسی تے سرکلر ڈیٹ دا خاتمہ ضروری ہئی ۔ وزیر توانائی محمد علی ݙو ٹوک موقف ݙیندے ہوئیں آک??یے جو گیس دے نویں کنکشن نی لڳ سڳدے تے نہ لیسوں ، آندے ھک توں ݙو سال اچ گھریلو کنکشنز کوں وی ایل پی جی تے شفٹ ہووݨا پوسی ، اڳوں گیس بجلی گھراں کوں ہی ملدی رہسی ،دنیا اچ گیس دا استعمال گھراں دی بجائے بجلی گھراں کیتے ہوندے ۔ انہاں آک??یے اے تاثر غلط اے جو گیس دیاں قیمتاں اچ ودھارے دا فیدہ امیراں کوں تھئے ۔
.jpg)