اسلام آباد۔17اکتوبر (اے پی پی) وفاقی وزیر خزانہ تے محصولات سینیٹر محمد اسحاق ڈار آکھیا جو پاکستان دی معیشت دے سارے شعبیاں اچ امریکی تے ٻاہرلے سرمایہ کاری کوں راغب کرݨ حکومت دی پہلی ترجیح اے۔ کاروبار دوست ماحول پیدا کرݨ تے اساݙی توجہ اے۔ انہاں اے ڳالھ گزریل ݙینھ واشنگٹن ڈی سی اچ سی ای او اسلامک ٹریڈ فنانس کارپوریشن انجینئر ہانی سالم سونبول اتےاینڈریو ٹورے نال ملاقات اچ آکھی۔ وفاقی وزیر انہاں کوں ملک دی معیشت دی صورتحال بارے ݙسیا۔ انہاں آئی ٹی ایف سی ولوں پاکستان دی حمایت دی تعریف کیتی اتے آئی ٹی ایف سی نال تعاون کوں ٻیا مستحکم کرݨ دے طریقے اتے ذرائع تے ڳالھ کیتی۔ وزیر خزانہ ریجنل صدر، ویزا، اینڈریو ٹورے نال ملاقات اچ ایں ڳالھ دا اعادہ کیتا جو پاکستان دی معشیت دے سارے شعبیاں اچ امریکی ٻاہرلی سرمایہ کاری کوں راغب کرݨ حکومت دی پہلی ترجیح اے۔