وطن کوں درپیش کہیں وی خطرے دا مقابلہ کرݨ لو ہر ویلھے تیار ہیں، ایئرچیف مارشل ظہیراحمد بابرسدھو

اسلام آباد۔17ستمبر(اے پی پی)پاک فضائیہ دے سربراہ ایئرچیف مارشل ظہیراحمد بابرسدھو آکھیے جو خطے دی اڄوکی سورتحال فیہدے ہوئے ساکوں کہیں وی بیرونی یا اندرونی سیکیورٹی چیلنج دا ولدا ݙیوݨ کتیے ہر ویلھے تیار راہݨے، وطن کوں درپیش کہیں وی خطرے دا مقابلہ کرݨ لو ہر ویلھے تیار ہیں۔ اے ڳالھ انہاں شمالی سیکٹر اچ پاک فضائیہ دی آپریشنل سکردو ایئر بیس دے معائنے ویلھے آکھی۔ انہاں کوں مختلف یونٹس دے کردار اتے مقاصد تے بریفنگ ݙتی ڳئی۔ ایئر چیف مختلف تنصیبات دا دورہ وی کیتے۔ او افسران اتے ایئرمین نال ملین۔ ایئرچیف مارشل ظہیراحمد بابرسدھو آکھیا جو پاک فضائیہ دا انفراسٹرکچر اتے عسکری صلاحیتاں ودھاوݨ آپریشنل صلاحیتاں کوں توسیع ݙیوݨ دے نال نال عسکری حکمت عملی اچ اہمیت رکھیندے، خلائی، الیکٹرانک اتے سائبر وارفیئر دے نال نال مخصوص تکنیکی علوم اچ ترقی، آرٹیفیشل انٹیلیجنس نال رل تے قومی سلامتی دے روایتی ماحول تے اثر پیندی پئی اے، ایں سانڳے پاکستان دی مسلح افواج تیز ترین انڈکشن پروگرامز نال اپݨیاں صلاحیتاں ودھینداں پن، پاک فضائیہ دشمن دی اسلحہ سازی و عسکری صلاحیتاں دے بالکل خلاف نئیں، پاک فضائیہ افواج پاکستان دے نال مادر وطن دی خود مختاری دے دفاع سانڳے ہر ویلھے تیار کھڑی اے۔

مضمون کا ماخذ : کینڈی کیش

متعلقہ مضامین