عدم اعتماد دا اجلاس سݙݨ توں پہلے سارے اتحادی وزیراعظم تے اعتماد دا باضابطہ اعلان کر ݙیسن، سیاسی صورتحال کوں 23مارچ توں پہلے سنٻھال ڳھنسوں، وزیر اطلاعات چوہدری فواد حسین

اسلام آباد۔11مارچ(اے پی پی)وفاقی وزیر اطلاعات و نشریات چوہدری فواد حسین آکھیے جو پاک فضائیہ اچ جدیدترین لڑاکا طیارے رلݨ نال پاک فضائیہ بھارتی زعم ولا مٹی اچ ملا ݙتے، پالیسی فیصلے پارلیمنٹ اتے حکومت دا اختیار اے، عدم اعتماد دا اجلاس سݙݨ توں پہلے سارے اتحادی وزیراعظم تے اعتماد دا باضابطہ اعلان کر ݙیسن، چاہندے ہیں جو سیاسی صورتحال کوں 23مارچ توں پہلے سنٻھال ڳھنوں۔ اے ڳالھ انہاں چوہدری برادران نال ملݨ دے بعد میڈیا نال الیندے اکھی۔ انہاں آکھیا جو پاکستان میڈیا ڈویلپمنٹ اتھارٹی دے قانون تے چوہدری پرویزالٰہی کوں ثالثی اتے بہتری سانڳے آکھیے، ایں معاملہ تے مربوط انداز اچ اڳو تے ودھدے پئے ہیں، پرویزالہیٰ نال سیاسی ماحول تے وی الائے۔ ہر فیصلے اچ مسلم لیگ (ق) اتے پی ٹی آئی ہکی سوچ رکھدن، آپسی تعاون جاری رہسی، عدم اعتماد دا اجلاس سݙݨ توں پہلے سارے اتحادی وزیراعظم تے اعتماد دا باضابطہ اعلان کر ݙیسن جیندے نال اڄوکی صورتحال مک ویسی۔ انہاں آکھیا جو پنجاب اچ ہک انر تے سو بیمار آلا حال اے، اساں ساریں کوں مطمئن کریسوں، علیم خان دے ترجمان نواز شریف نال ملݨ دی تردید کیتی اے، علیم خان اتے جہانگیر ترین کوں پی ٹی آئی دا حصہ سمڄھدے ہیں ڄیڑھا وی فیصلہ تھیا او پی ٹی آئی دے حق اچ تھیسی۔

مضمون کا ماخذ : ٹکی انماد

متعلقہ مضامین