وزیراعظم شاہد خاقان عباسی داراولپنڈی کہوٹہ سڑک کوں ڈو رویہ کرنڑ دے منصوبے دا سنگ بنیاد رکھنڑ دی تقریب اتے عوامی جلسہ توں خطاب

کہوٹہ ۔ 03 مارچ (اے پی پی) وزیراعظم شاہد خاقان عباسی آکھے جو پاکستان وچوں بجلی اتے گیس دی گھٹکی دور کر ڈتی گئی ہے، جیرھے منصوبے سالاں توں مکمل نی تھئے انہاں کوں پورا کیتے، خراب حالات دے باوجود ملک دی خود مختاری دا سودا کیتے بغیر معیشت کوں مضبوط کیتے، مسلم لیگ (ن) دے کم کہیں بندے توں لکے چھپے کائنی، ملک دے طول و عرض اچ ترقیاتی منصوبے مکمل تھیندے پن، 2018ءدے عام انتخابات اچ وی عوام نواز شریف اتے مسلم لیگ (ن) کوں سرخرو کریسی ،راولپنڈی کہوٹہ سڑک کوںمانسہرہ توں میرپور تئیں موٹروے دے منصوبے نال جوڑیا ویسی، ایندے نال پورا علاقہ ترقی دی راہ تے گامزن تھیسی ۔ہفتہ کوں راولپنڈی۔ کہوٹہ سڑک کوں ڈ رویہ کرنڑ دے منصوبے دا سنگ بنیاد رکھنڑ دی تقریب اتے عوامی جلسہ توں خطاب کریندے ہوئیں وزیراعظم کہوٹہ دے عوام دا شکریہ ادا کیتا جنہاں اج دے جلسے دا اہتمام کیتا۔ وزیراعظم آکھیا جو کہوٹہ انہاں کیتے نواں کائنی ہے،ا یہ انہاں دا اپنڑاں گھر ہے اتے انہاں کوں اتھاں سیاست اچ 30 سال تھی گئے ہن، کہوٹہ دا کوئی گھر، دیہات اتے ڈھوک ایجھی کائنی جیکوںاوہ نی جانڑدے،ا یہ میڈا اپنڑاں گھر ہے۔ انہاںکہوٹہ دے عوام کوں مخاطب کریندے ہوئیں آکھیا جو تساڈی محبت میڈی زندگی دا اثاثہ ہے۔ انہاں آکھیا جو اج بطور وزیراعظم پہلی واری اپنڑے حلقے اچ آیا ہاں، انشاءاللہ میکوں پورا یقین ہے جو آندے الیکشن اچ وی جیت مسلم لیگ (ن) اتے میاں محمد نواز شریف دی ہوسی، جیرھے کم مسلم لیگ (ن) کیتے ہن ا وہ کہیں بندے توں لکے چھپے کائنی ہن، حکومتاں ساریاں کیتیاں ہن لیکن کم صرف مسلم لیگ (ن) کیتے، ایں حلقے اچ بجلی، گیس، سکول سڑکاں، پانڑیں دیاں سکیماں(ن) لیگ ہی پوریاں کیتیاں ہن ، ایہا کیفیت پورے پاکستان دی ہے، ساڈھے پنج ارب روپے دی لاگت نال ایہ سڑک بنڑسی، 2008ءاچ نواز شریف تساڈے نال جیرھاوعدہ کیتا ہا اوہ اج پورا تھی گئے، اج کہوٹہ دے سارے دیہاتاں اچ گیس لگدی پئی ہے، بجلی سو فیصد پوری تھی گئی ہے،ا یہ وہ وسائل ہن جیرھے ہر حکومت کنوں ہوندن پر انہاں دے کم نظر نی آندے ،کم صرف مسلم لیگ (ن) دے نظر آندن ، اساں ہمیشہ خدمت اتے شرافت دی سیاست کوں فروغ ڈتا، اساں ملک دی ترقی دی سیاست کوں فروغ ڈتا۔ انہاں آکھیا جو نواز شریف عام انتخابات دے بعد ملک دے وزیراعظم بنڑے، نواز شریف بارے عدالت دا فیصلہ آیا جیکوں اساں من گھدا ۔ نواز شریف دے بعد میکوں وزارت عظمیٰ دی ذمہ داری ڈتی گئی، چار سال نواز شریف ملک دی خدمت کیتی، ہنڑ اساں انہاں دے مشن کوں اگی تے ودھیندے پئے ہسے۔ انہاں آکھیا جو ملک دے طول و عرض اچ ترقیاتی منصوبے پورے تھیندے پن اتے عوام دیاں توقعات پوریاں تھیندیاں پن۔ وزیراعظم ایں موقع تے علاقہ دی ترقی سانگے مختلف منصوبیاں دا اعلان کیتا۔ انہاں آکھیاجو تعلیم دے بغیر کوئی علاقہ ترقی نی کر سگدا۔ انہاں کہوٹہ اچ یونیورسٹی بنڑاون دا اعلان کیتا اتے آکھیا جو مری، کوٹلی ستیاں اتے کلر دے حوالے نال منصوبیاں دا اعلان اوہ متعلقہ علاقیاں اچ کریسن، اج اوہ صرف کہوٹہ دے حوالے نال گالھ کریسن۔ انہاں آکھیا جو کہوٹہ اچ معیاری یونیورسٹی بنڑائی ویسی،ا یہ کوڑے وعدے نی ، انشاءاللہ انہاں تے اگلے ترائے مہیناں اچ کم شروع تھی ویسی، سڑک دے کم دا افتتاح کر ڈتا گئے ،ا یہ سڑک ایں علاقے دی معیشت کو ںبدل تے رکھ ڈیسی، ایہ سڑک صرف اتھاں تئیں نی، مانسہرہ توں میرپور تئیں موٹروے دے منصوبے نال اینکوں ملا ڈتا ویسی ،ایں منصوبے نال پورا علاقہ ترقی دی راہ تے گامزن ہو سی۔ انہاں آکھیا جونواز شریف نڑ کے اچ جلسے اچ کجھ اعلان کیتے ہن انہاں وچوں کجھ پورے کر ڈتے گئے ہن، کجھ باقی ہن، کہوٹہ دے چھوہراں تے چھوہریں دے سکول کو ںہایئر سکینڈری بنڑا ڈتا گئے۔ انہاں آکھیا جو کہوٹہ اچ ہسپتال سانگے بئے فنڈ ڈتے ویسن اتے اینکوں معیاری ہسپتال بنڑایا ویسی تاں جو لوک معیاری طبی سہولتاں توں فائدہ چا سگن۔ ایں موقع تے انہاں ہیلتھ کارڈ دادائرہ ضلع راولپنڈی تے کہوٹہ تئیں ودھاونڑ دا وی اعلان کیتے۔ انہاں آکھیا جو پچھلے 30 سالاں اچ جیرھے علاقے اچ ترقی تھئی ا وہ تساڈے سامنڑے ہے، اج خوشی ہے جو ایں پورے علاقے اچ بجلی دے مسائل حل کر ڈتے گئے ہن، اتے فنڈز جاری کر ڈتے گئے ہن اگر کوئی علاقہ رہ گئے تاں اینکوں بجلی ڈتی ویسی ۔ انہاں آکھیا جو سو فیصد علاقیاں کوں بجلی ڈتی ویسی اتے کوئی علاقہ ایں توں محروم کائناں راہسی ۔انہاں کہوٹہ اچ سٹیڈیم بناونڑ دا وی اعلان کیتا ۔ انہاں آکھیا جو وزیر اعلیٰ پنجاب شہباز شر یف صوبہ اچ سڑکاں سانگے ارباں روپے دے فنڈز جاری کیتے ہن اتے ترقی دے جیرھے منصوبے 50سال توں مکمل نی تھئے انہاں کوں پورا کیتا ویندا پئے ۔ انہاں آکھیاجو نوجواناں کوں روزگار ڈیونڑ ہک وڈا مسئلہ ہے جیندا واحد حل ملکی معیشت کو ںمضبوط کرنڑ ہے، خراب حالات دے باوجود اتے پاکستان دی خود مختاری دا سودا کیتے بغیر ملک دی معیشت کو ںمضبوط کیتے اتے ایں طرح روزگار دے مواقع میسر آئے ہن۔ انہاں آکھیا جو اج الحمداللہ پاکستان توں بجلی تے گیس دی گھٹکی دور کر ڈتی گئی ہے، کجھ جئیں تے مقامی سطح دے مسائل ہن۔ انہاں آکھیا جو ترقیاتی منصوبیاں دی بدولت جولائی 2018ءدے عام انتخابات اچ وی عوام نواز شریف اتے مسلم لیگ (ن) کوںسرخرو کرےسی۔ چھیکڑ اچ وزیراعظم ”پاکستان زندہ باد“ دے نعرے لاتے۔ ایں موقع تے وزیر مملکت برائے اطلاعات تے نشریات مریم اورنگزیب، وفاقی وزیر سائرہ افضل تارڑ، طارق فضل چوہدری اتے بئے ارکان اسمبلی وی موجود ہن۔ قبل ازیں وزیراعظم شاہد خاقان عباسی راولپنڈی،کہوٹہ سڑک کو ں ڈو رویہ کرنڑ دے منصوبے دا افتتاح کیتا۔ تقریب اچ خراب موسم دے باوجود وڈی تعداد اچ علاقے دے عمائدین اتے عوام شرکت کیتی۔ جلسہ دے شرکاءدا جوش و خروش ڈیکھنڑ آلا ہائی ۔ وزیراعظم دے جلسہ گاہ آونڑتے شرکاءانہاں دا زبردست خیر مقدم کیتا اتے ”ڈیکھو ڈیکھو کونڑ آیا، شیر آیا، شیر آیا“ دے نعریاں نال ان ہاں دا استقبال کیتا۔

مضمون کا ماخذ : resultados loteria ریو ڈی جنیرو

متعلقہ مضامین