بپر جوائے خمیس دی رات کہیں ویلھے وی سندھ دے جنوب مشرقی ساحلی علاقہ کیٹی بندر نال ٹکریسی ، کراچی کوں طوفان توں براہ راست خطرہ کائنی ، وفاقی وزیرسینیٹر شیری رحمان اتے چیئرمین این ڈی ایم اے لیفٹیننٹ جنرل انعام حیدر ملک دی مشترکہ پریس کانفرنس
APP62-140623
ISLAMABAD: June 14 – Federal Minister for Climate Change Sherry Rehman briefs to media persons about Cyclone “Biparjoy” during a press conference at NDMA. APP/ADZ/TZD
اسلام آباد۔15جون(اے پی پی) بحیرہ عرب توں اٹھݨ آلے شدید سم??در?? طوفان بپر جوائے دی ساحلی علاقے دے پاسے ودھݨ دی رفتاراچ 6 توں 8 کلومیٹر فی گھنٹہ گھٹ تھئی اے تاں جو ایندا کھنڈݨ تے شدت دی نوعیت برقرار اے، کیٹگری 3 دا طوفان (اڄ) خمیس دی رات کہیں ویلھے وی سندھ دے جنوب مشرقی ساحلی علاقہ کیٹی بندر نال ٹکریسی ، کراچی کوں طوفان توں براہ راست خطرہ نی رہیا تاں جو تکھی ہوا تے ودھ سارا مینھ وسݨ دی صورت اچ کراچی دے علاوہ ٹھٹھہ، سجاول، بدین، تھرپارکر اتے ملیر سودھے نیڑے علاقیں اچ طوفان دے اثرات رونما تھیسن ، طوفان دے خطرے توں ݙو چار علاقیں توں تقریباً 82 ہزار لوکاں دا انخلاء کرڳھدا ڳئے جنہاں کوں محفوظ جاہ تے سکولاں تے پکیاں عمارتاں اچ قائم 63 کیمپس اچ منتقل کیتا ڳئے ، سارے متعلقہ فوجی اتے سول ادارے الرٹ اتے صورتحال نال نبݨݨ کیتے تیار ہن ، عوام کوں کہیں وی قسم دی افراتفری توں اجتناب ورتیندے ہوئیں احتیاطی تدابیر اختیار کرݨ دا مشور ݙتا ڳئے ۔ وفاقی وزیر برائے موسمیاتی تبدیلی و ماحولیاتی رابطہ سینیٹر شیری رحمان اتے نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل انعام حیدر ملک سم??در?? طوفان بپر جوائے دی صورتحال اتے ایندے نال نبݨݨ کیتے اقدامات بارے خمیس کوں منعقدہ جائزہ اجلاس دے بعد مشترکہ پریس کانفرنس اچ میڈیا کوں بریفنگ ݙتی۔ وفاقی وزیر آکھیے طوفان دی رفتار گھٹ تھئی اے جیں پاروں ایندے لینڈ فا?? تے ٹکراؤ دا معینہ وقت بدل ڳئے ، ایویں طوفان دے پاسے اچ وی کجھ تبدیلی آئی اے تاں جو طوفان نال منسلک خطرات بدستور برقرار ہن تے ایندے مطابق سارے اقدامات کیتے ویندے پئن ، بپر جوائے دی نوعیت کیٹگری 3 دے انتہائی شدید طوفان دی اے جیں دی سطح تے ہوائیں دی رفتار 120 توں 140 کلومیٹر اے جݙاں جو ایندے مرکز اچ 180 کلومیٹر فی گھنٹہ تئیں پڄ سڳدی اے ، انہاں آکھیے طوفان ٹھٹھہ توں 235 کلومیٹر، کراچی توں 230 کلومیٹر تے کیٹی بندرتوں 155 کلومیٹر دے فاصلے تے موجود اے اتے اے جیں رستے دی پیشگوئی کیتی ڳئی ہئی ایندے مطابق اڳوں ودھدا پئے تے اڄ خمیس دی رات کیٹی بندر اتے بھارتی گجرات دے درمیانی ساحلی علاقے نال ٹکریسی ۔ انہاں آکھیے سم??در?? طوفان پاروں کراچی توں علاوہ ٹھٹھہ، بدین، سجاول، تھرپارکر اتے ملیر دے علاقے متاثر تھیوݨ دا امکام اے جتھاں تکھی ہوا دے نال ودھ سارا مینھ وسݨ دا امکان اے ، طوفان پاروں سم??در?? لہراں 30 فٹ توں ودھ اُچیاں تھی سڳدن۔ انہاں آکھیے طوفان دے زیر اثر علاقیں بالخصوص ٹھٹھہ، بدین، سجاول، عمرکوٹ اور تھرپارکر اچ تھکی ہوا گھلݨ تے اندھاری گھلݨ توں علاوہ 300 ملی میٹر مینھ وسݨ دا امکان اے جݙاں جو کراچی، حیدرآباد، دادو، ٹندو الہ یار، ٹنڈو محمد خان، بے نظیر آباد، سانگھڑ، لسبیلہ تے حب اچ 100 ملی میٹر مینھ وس سڳدے وفاقی وزیر آکھیے متاثرہ علاقیں توں تقریباً 82 ہزار لوکاں کوں محفوظ جاہ تے منتقل کیتا ڳئے ایں مقصد کیتے 169 ریلیف کیمپس بݨائے ڳئن جیں اچوں 63 کیمپس فعال جݙاں جو 106 سٹینڈ بائی ہن جیڑھے جو مزید انخلاء دی صورت اچ متاثرین کیتے رکھیے ڳن۔ انہاں آکھیے حکومت طوفان دے پیش نظر ممکنہ صورتحال کیتے مکمل تیاری کر رکھی اے، انہاں کوششاں اچ ملٹری اتے سول ادارے بھرپور کردار ادا کریندے پئن ، ایں ویلھے فیلڈ اچ آرمی دے 1400 اہلکار، رینجرز دی 16 کمپنیاں، نیوی دے 303 اہلکار اتے کوسٹ گارڈ دی 2 بٹالین مصروف عمل ہن جݙاں جو بوقت ضرورت ایئرفورس دی خدمات وی ڳھدی ونڄ سڳدی اے۔ انہاں آکھیے متاثرین کوں شیلٹر، خوراک، صاف پاݨی اتے طبی سہولتاں ݙیوݨ دا انتظام کیتا ڳئے، 87 میڈیکل یونٹس فیلڈ اچ موجود ہن طوفان توں 90 دے نیڑے فیڈرز متاثر تھی سڳدن ، ایں صورتحال پاروں پنجاب اتے سکھر توں ٹیکنیکل ٹیماں سݙ ڳھدن ، متاثرہ علاقیں اچ مواصلاتی رابطیں کوں بحال رکھݨ کیتے وی متعلقہ اداریں نال رل تے اقدامات کیتے ویندے پئن ۔
