وزیرداخلہ چوہدری نثار علی خان دااعلی سطح دے اجلاس نال خطاب

اسلام آباد ۔ 26 اگست (اے پی پی)وزیرداخلہ چوہدری نثار علی خان’ جعلی شناختی کارڈ دے حامل غیر ملکیاں کوں آپنڑے شناختی دستاویزات سر نڈر کرنڑ سانگے بئیا ہک مہینے دی مہلت ڈتی اے تانجو جعلسازی نال کارڈ گھنڑ آلے ایں مدت توں فائدہ چیندیں ہوئیں نادرا نال رجوع کر سگن،شناختی کارڈ دی تصدیق دی مہم وچال ہنڑ تئیں پورے ملک اچ 60فیصد شناختی کارڈ دی تصدیق کیتی ونج سگی اے،جعلسازی اچ ملوث نادرا دے 80اہلکاراں دی نشاندہی کیتی گئی اے،رجسٹریشن سانگے 132آئی این جی اوز دی درخواستاں ملین ،46کوں کم کرنڑ دی موکل ڈتی گئی اے،ای پاسپورٹ دا اجرا کجھ مہیناں تئیں شروع کیتا ویسی،آندے سال تئیں ہر ضلع اچ پاسپورٹ آفس بنڑایا ویسی۔اے گالھیں وزیرداخلہ چوہدری نثار علی خان آپنڑی صدارت اچ تھیونڑ آلے اعلیٰ سطح دے اجلاس نال خطاب کریندیں ہوئیںا کھی جئیں اچ آئی این جی اوز دی رجسٹریشن،نادرا شناختی کارڈ دی تصدیق دے عمل اتے ای پاسپورٹ دے اجراء سمیت مختلف معاملیاں تے غور کیتا گئیا۔وزارت داخلہ اجلاس نال خطاب کریندیں ہوئیں آکھیا جو تماشہ بہوں تھی گئے ،ڈرامائی چیزاں بہوں تھیندین پر کم نی تھیندا۔پاسپورٹ بارے ہزاراں ڈپلومیٹ اتے آفیشنل پاسپورٹ منسوخ کیتن ،ای سی ایل پالیسی اچ اصلاحات آندی گئین ،کجھ پاسپورٹ منسوخ تھین،یورپ توں گھن کراہیں امریکہ تئیں ویزہ دی پابندی کائنا ہئی ۔جڈاں تئیں اساں تصدیق نہ کروں پاکستانی وی ہووے ویزہ جاری نی تھی سگدا۔

مضمون کا ماخذ : sorteos da loteria

متعلقہ مضامین