د قامونو پرمختګ كښې تعليم بنيادي حېثيت لري

APP05-12 ISLAMABAD: July 12 President Mamnoon Hussain addressing the 33rd FBISE Annual Awards distribution ceremony at the Aiwan-e-Sadr. APP

اسلام آباد 12 جولائي (اے پي پي) اولس مشر ممنون حسېن وئيلي دي د قامونو پرمختګ كښې تعليم بنيادي حېثيت لري٬ د ماشومانو تعليم سره سره كردار سازۍ ته هم پام لرنې ته اړتيا ده٬ ځوانان دې د مثبت سوچ او عمل د لارې د هېواد او قام مقام لا غوره كړي ، د سباٶن چېلنجونو مخنيوي لپاره د انجونو تعليم ته هم خاص پاملرنه پكار ده٬ ماشومان زمونږ د محفوظه سباٶن ضمانت دے٬ زمونږ د ټولو ذمه واري ده چې دوي ته تعليم لپاره ښه چاپيريال وركړو۔ اولس مشر ممنون حسېن دا خبرې د وفاقي تعليمي بورډ 33مې كلنې د انعامونو وېش دستورې ته خپلې وېنا كښې وكړې۔ په دې موقع د تعليم او وظيفائي چارو لنډ مهاله وفاقي وزير محمد یوسف شېخ او د وفاقي تعليمي بورډ چیئرمېن ډاکټر اکرام علي ملك هم موجود ٶ۔ اولس مشر ووئيل نن د پرمختګ او ټېكنالوجۍ نړۍ په تند رفتارۍ او برق رفتارۍ سره د كاميابۍ منزلونه سر كوي٬ قدرت دا ډول كاميابۍ يوازې هم ھغه قامونو ته وربخښي كوم چې د تعليم سره سره د خپلو اخلاقو او كردار په لوي منصب فائض وي۔ ده ووئيل د قامونو په پرمختګ كښې تعليم مركزي حېثيت لري خو د كردار پخوالې او مثبتو اخلاقي اقدارو وده او استحكام ته هم په دې كښې زيات اهميت تر لاسه دے ۔ اولس مشر په استاذانو او مور او پلار زور رواړو چې ھغوي د تعليم نه علاوه د دوي اعلٰې اخلاقو او كردار سازۍ څخه كله هم سرغړونه ونه كړې ځكه چې سباٶن كښې هم دا ماشومانو به د هېواد او ملت واك اختيار په لاسو كښې اخلي ۔ ده ووئيل مونږ له پكار دي چې د كتابي علم سره د غېر روايتي تعليم د لارې هم د ماشومانو علم او فهم و فراست زيات كړو ۔ اولس مشر ووئيل زده كوٶنكو له دا غوره موقع ده چې ھغوي د خپلې مينې او محنت سره د خپلو والدينو او استاذانو اميدونو تر سره كولو لپاره ټولې ممكنه هڅې وكړي٬ اولس مشر ممنون حسېن ووئېل د تعلیم او تربیې په ټولو پړاونو كښې د نړۍ رول ماډلز وګورئ چې څنګه ھغوي خپل قامونه د خپل علم پوهې او تدبر د غربت ٬بې وسي او د مسئلو نه خلصوي ٬ ده ووئېل د خپل مثبت سوچ او عمل د لارې خپل ملك او قام تل مقدم وساتئ۔ ده ووئيل مېرمنې د هېواد د آبادۍ نزدې 50 فيصده برخه ده او دې لپاره ضروري ده چې مېرمنې نه يوازې تعليم يافته وي بلكې اعلٰې فني تعليم پلو هم پام وكړي ځكه چې د سي پېك پشمول نورو ټولو خواږو څخه يوازې ھغه وخت فيض ياب كېدې شو كله چې زمونږ ماشومانو سره سره زمونږ جينكۍ هم په علم او فن كښې برابر وي دغسې چې هېواد د پرمختګ او سوكالۍ په لار سم شي۔ اولس مشر اعزازونه ترلاسه كوٶنكو زده كوٶنكو هلكانو ٬ جينكو ٬ د ھغوي مور پلار او استاذانو له مباركي وركولو سره د معياري تعليم ودې لپاره د فېډرل بورډ واكمنو لخوا د اقداماتو ستائنه وكړه۔ په دې موقع لنډ مهاله وفاقي وزير محمد يوسف شېخ او د تعليمي بورډ چيئرمېن ډاكټر اکرام علي ملك هم وېنا وكره۔ دوي د وفاقي تعليمي بورډ لخوا د استاذانو د تربيې٬ امتحاني نظام كښې ښه والې او د زده كوٶنكو هلكانو جينكو آسانۍ لپاره معرفي كړې شوې د آن لائن آسانيو پشمول د تعليمي معيار ودې لپاره شوي اقدامات رامخې ته كړل۔ په دستوره كښې اولس مشرممنون حسېن پوزيشن هولډرز ته سندونه ٬ مېډال او انعامونه هم وركړل

مضمون کا ماخذ : پاور بال کا ٹکٹ

متعلقہ مضامین